Albisteak
Jaialdia
The Offspring eta Berri Txarrak taldeekin helduko da En Vivo Bilbora
Erredakzioa
Orain arte Madrilen egiten zen jaialdiak bi egoitza berri izango ditu: Bilbo eta Bartzelona. Abuztuaren amaieran, Gallows eta The Toy Dolls ere arituko dira Kobetamendin.
Bideoak (1)
Rock musikak Bilbon du hitzordua abuztuaren amaieran. Orain arte Madrilen egiten zen En Vivo jaialdiak bi egoitza berri izango ditu, eta horietako bat Bizkaiko hiriburua izango da.
Abuztuaren 29tik 31ra bitartean egingo da En Vivo, eta hiri bakoitzean bi egunetan banatuko dira zuzenekoak. Datak oraindik zehazteke daude, baita egitarauak ere, baina dagoeneko aurreratu dute Bilbon, Bartzelonan eta Madrilen arituko diren artisten izenak: The Offspring, The Toy Dolls, Shikari Sound System, El Drogas eta Berri Txarrak, besteak beste.
The Offspring izango da aurreneko edizio honetako kartelburua, baina talde kaliforniarra ez ezik, beste hainbat musikari igaroko dira Kobetamenditik.
Sarrerak
Bi eguneko bonuak 29 eurotan salduko dituzte (+ banaketa gastuak). Aurki iragarriko dute sarreren salmenta noiz hasiko den.
Kontzertuak
Hauek dira En Vivon joko duten taldeak:
THE OFFSPRING
THE TOY DOLLS
EL DROGAS
BERRI TXARRAK
MOLOTOV
SOZIEDAD ALKOHOLIKA
SHIKARI SOUND SYSTEM
MÄGO DE OZ
CELTAS CORTOS
BANDA BASSOTTI
GALLOWS
BOIKOT
KAOTIKO
SEGISMUNDO TOXICOMANO
LENDAKARIS MUERTOS
LOS ZIGARROS
PORCO BRAVO
GUERRILLA (Tributua Rage Against The Machine taldeari)
TNT (Tributua AC/DC taldeari)
KARKOMA (Tributua Extremoduro taldeari)
...eta baieztatu gabe dagoen beste artista bat
