Berri Txarrakek disko berria aurkezteko bira iragarri du

Azaroaren 24an argitaratuko du Berri Txarrak taldeak Denbora da poligrafo bakarra lana, eta 2015ean ekingo diote disko berria aurkezteko birari.

Hain zuzen ere, Donostiako Intxaurrondo Kultur Etxean jarri dute birako lehen hitzordua. Zita bikoitza izango da, gainera; izan ere, urtarrilaren 9rako sarrera guztiak agortu egin dira, eta, ondorioz, biharamunean, hilaren 10ean, ere joko du bertan Berri Txarrakek. Bigarren saio honetarako sarrerak azaroaren 11ko 11:00etatik aurrera erosi ahalko dira.

Handik Frantziara abiatuko dira beste bi kontzertu eskaintzeko: lehena, Bordelen, eta bigarrena, Parisen.

Euskal Herrian, orotara, bost emanaldi ematea aurreikusi dute: Donostian, Atarrabian, Biarritzen, Gasteizen eta Bilbon.

Espainiako Estatuko beste hainbat herritan ere hartuko dute Berri Txarrak oholtza gainean, eta Europan barrena ere ibiliko dira. Besteak beste, Frantzia eta Alemania bisitatuko dituzte.

Kontzertuak:

Urtarrilak 9, Donostia

Urtarrilak 10, Donostia

Urtarrilak 23, Bordele

Urtarrilak 24, Paris

Urtarrilak 30, Logroño

Urtarrilak 31, Atarrabia

Otsailak 6, Madril

Otsailak 7, Sevilla

Otsailak 8, Cadiz

Otsailak 12, Zaragoza

Otsailak 13, Bartzelona

Otsailak 14, Valentzia

Otsailak 15, Murtzia

Otsailak 28, Frankfurt

Martxoak 1, Köln

Martxoak 3, Essen

Martxoak 6, Berlin

Martxoak 13, Biarritz

Martxoak 14, Burgos

Apirilak 4, Leon

Apirilak 10, Oviedo

Apirilak 11, Santiago (Galizia)

Apirilak 16, Valladolid

Apirilak 17, Santander

Apirilak 18, Gasteiz

Maiatzak 9, Bilbo

Maiatzak 22, Palma