Albisteak
Nobedadeak
Chris Cornell bakarkako diskoa grabatzen dabil
L.Z. | eitb.eus
Oraingoz ez du lan horri buruzko xehetasunik eman, baina dagoeneko hasi da kantu berriak sortzen.
Soundgarden taldeko Chris Cornell bakarkako disko berria grabatzen dabil, Twitter bidez abeslariak jakinarazi duenez. Oraingoz ez du lan horri buruzko xehetasun gehiagorik eman.
Cornellek 1999an ekin zion bakarkako ibilbideari, Euphoria Morning diskoarekin. Audioslave taldeko buru izan zen gero, eta bakarkako bideari heldu zion berriro handik denbora batera. Carry On, Scream eta Songbook lanak argitaratu ditu ordutik.
Halere, talde-lana ez zuen betiko utzi. Izan ere, Soundgardenen itzuleran buru-belarri aritu zen Chris Cornell. Estudioko disko berria grabatu zuten, eta ehunka kontzertu eman zituzten mundu osoan zehar.
Orain, taldetik urrundu omen da berriro kantari estatubatuarra, eta abesti berriak sortzen dabil bere kasa.
>