2017/01/10

11:14

Albisteak

20. edizioa

Kerobia, Ehun Kilo, Huntza, Ekon, S.A. eta Bizardunak, Hatortxu Rocken

ERREDAKZIOA | EITB.EUS

Taula gainera aspaldi atera ez diren zenbait musikari arituko dira Lakuntzan uztailean, baita orain arte Hatortxu Rocken sekula egon ez diren talde batzuk ere; Huntza, kasu.

  • Whatsapp
  • Whatsapp
  • Telegram
  • Bidali

Hatortxu Rocken 20. edizioa berezia izango zela iragarri zuten aspaldi aipatu jaialdiaren antolatzaileek, eta halaxe erakusten dute gaur egindako lehen iragarpenek.

Dakizuenez, lau eguneko festibala egingo dute uztailaren 27tik 30era Lakuntzan, eta euskal talde ezagunenak igaroko dira oholtzatik; tartean, duela urte batzuk agertokiak utzi zituzten zenbait artista.

Hain zuzen ere, hauexek dira gaur bertan iragarri dituzten taldeak: Inadaptats, Huntza, Soziedad Alkoholika, Des-Kontrol, Glaukoma, Iseo & Dodosound, Ekon, Estricalla, Kop, Bizardunak, Talco, Kaos Urbano, Tremanda Jauria, Oreka TX, Kerobia, Lagrimas de Sangre, Kaotiko, Narco, Ehun Kilo eta Anestesia.

Esan bezala, taula gainera aspaldi atera ez diren zenbait musikari arituko dira (Des-Kontrol, Ekon, Bizardunak Kerobia eta Ehun Kilo), baita orain arte Hatortxu Rocken sekula egon ez diren talde batzuk ere (Huntza, Kaos Urbano, Tremenda Jauria eta Lagrimas de Sangre).

Sarrerak

Sarrerak eskuragarri daude jada jaialdiaren webgune ofizialean. Eskaintza berezia jarri dute: 52,5 euro, lau eguneko bonuaren truke, kanpalekua barne.

hatortxu rok 20

  • Bisitatuena

      Kargatzen ikusiena
      Kargatzen ikusiena