Ed Sheeran eta 'Shape Of You', 'Top Gaztea'ren gorenean, hirugarrenez

eitb.eus

The Weeknd ft. Daft Punk bigarren daude, 'I feel it coming' lanari esker. Skakeitan-ek eta Manu Chaok postu bat egin dute behera 'Lerro hutsen artean' abestiarekin, eta, hirugarrenean kokatu dira.

Orria entzun Orria entzun

Whatsapp
Whatsapp
telegram
twitt
Bidali
Esteka kopiatu

Bideoak (2)

Informazio gehiago (1)

'Top Gaztea'ko zerrenda

Ed Sheeran-ek eskuratu du aste honetan ere, hirugarrenez gainera, 'Top Gaztea'ren urrezko domina, 'Shape Of You' kantarekin. The Weeknd ft. Daft Punk, 'I feel it coming' arrakasta eskutik hartuta, bigarreneraino heldu dira, eta hirugarrenean, berriz, Skakeitan eta Manu Chao daude, 'Lerro hutsen artean' abestiarekin. Postu bat egin dute behera, beraz.

'Tuesday' kantak lagunduta, Burak Yeter artista laugarren da asteon. Bestalde, bosgarrenera jaitsi da, laugarrenetik, Gatibu talde bizkaitarra, 'Nire Ondoan Bazina' lanarekin.

12.etik seigarrenera egin du salto Starleyk 'Call on Me (Ryan Riback Remix)' abestiari esker, eta, Zayn ft. Taylor Swift zazpigarrenean daude berriro ere, 'I Don't Wanna Live Forever' lanarekin.

Zortzigarreneraino heldu da asteon Huntza taldea, 'Inundik Inoare' euren bigarren arrakastak bultzatuta. Katy Perry, aurreko astean proposamena baino ez zena, bederatzigarreneraino iritsi da, 'Chained To The Rhythm' kantarekin.

Azkenik, hamargarrenean berriro ere, Rihanna dago beste astebetez, 'Love on the Brain' abestiaren eskutik.

Ondorengo artistak eta abestiak daude atzeragoko postuetan:

11. Xabi Solano: 'Nere mundu txiki polit hontan'

12. Luis Fonsi eta Daddy Yankee: 'Despacito'

13. Alan Walker: 'Alone'

14. Clean Bandit, Sean Paul eta Anne Marie: 'Rockbye'

15. The Chainsmokers: 'Paris'

16. Robin Schulz & David Guetta ft. Cheat Codes: 'Shed A Light'

17. Hesian: 'Hemen naiz'

18. Rag'n'Bone Man: 'Human'

19. Machine Gun Kelly ft Camila Cabello: 'Bad Things'

20. Sia - 'Move Your Body'