Badator Berri Txarraken gaztetxe bira

Atsedenik hartu gabe dabiltza Berri Txarrak taldeko kideak, eta udaren atarian Euskal Herriko hiru gaztetxe zein gaztelekutan bira labur bat egingo duela iragarri du. Hori gutxi ez eta, ekainaren 2an "Bakarrik Egoteko Summer Tour 2017" birari emango dio hasiera Bartzelonan.

Maiatzaren 25ean izango da gaztetxe birako lehenengo hitzordua, Lizarrako Gaztediaren Etxean. Hurrengo egunean, maiatzaren 26an, Orioko Etxeluze Gaztetxea astinduko dute Gorka Urbizu eta gainerakoek.

Nahiz eta udako bira ekainaren 2an hasi, ekainaren 11n Oñatiko Gaztelekuan egingo dute geldialdia gaztetxe birari amaiera emateko.

Sarrerak gaurtik, maiatzaren 18tik, aurrera daude salgai Lizarrako María Vicuña Gaztediaren Etxean; Orioko Gaztetxean; eta Oñatiko Xagu, Ona eta Boga tabernetan.

"Bakarrik Egoteko Summer Tour 2017"an Euskal Herritik kanpoko jaialdietan arituko dira batik bat. Ekainaren 2an Bartzelonako 'Primavera Sound Festival'-en hartuko dute parte. Lakuntzan egingo den 'Hatortxu Rock 20', Madrilgo 'True Music Festival', Bristolgo 'Moor Fest' eta Burgoseko 'Sonorama Rivera 2017' bezalako jaialdietan ikusteko aukera izango duzu Lekunberriko taldea udan zehar.

Hauxek dira Berri Txarrakek eskainiko dituen kontzertuak:

Gaztetxe eta Gaztelekuetako bira

Maiatzak 25: Lizarra, Gaztediaren Etxea