Albisteak
IRUÑA ROCK
Dena prest Iruña Rockerako
IDOIA ARANBARRI | EITB.EUS
S.A., La Raiz, Hesian, Gatillazo, Desakato eta Zoo taldeak egongo dira, besteak beste, maiatzaren 26an eta 27an Iruñean.
Guztia antolatuta dago aste honetako lehen edizioko Iruña Rockerako. Maiatzaren 26 eta 27an ospatuko da Iruñeko Zitadelan .
Arratsaldeko 15:30etan irekiko dituzte ateak ostiralean, baina lehenengo kontzertua 16:30etan hasiko da. Ordu horretan bertan igoko dira NX taldeko kideak eszenatokira. Gatillazok 19:20an du hitzordua Nafarroako hiriburuan eta Deskatok, berriz, gaueko 22:50ean. Eguneko azken kontzertua Riot Propagandarena izango da 00:35ean.
Hurrengo eguna ere oso potentea izango da. 15:30an ateak ireki eta 16:30etatik aurrera, Hesian, Zoo, La Raiz eta Soziedad Alkoholika bezalako taldeek astinduko dute Iruñea.
Sarrerak
Bi eguneko bonoa edota eguneko sarrera eros daiteke. Bi eguneko bonoa 43,50 eurokoa da aurrez erosi ezkero, eta 50 euro bertan. Eguneko sarrerak, aldiz, 27 euro balio ditu aurrez, eta 30 bertan. Sarrerak www.musikaze.net atarian eros daitezke edo Infiernito Guitar Shop eta Viajes Divertis dendetan.
Hauxe izango da Iruña Rock lehen edizioko kartela:
Maiatzak 26, ostirala
15:30 Ate Irekiera
16:30 NX
17:55 Josetxu Piperrak
19:20 Gatillazo
21:05 Narco
22:50 Desakato
00:35 Riot Propaganda
Maiatzak 27, larunbata
15:30 Ate Irekiera
16:30 Dawn of the Maya
17:55 Hesian
19:25 Zoo
20:55 La Raiz
22:45 Soziedad Alkoholika
00:30 Boikot
