La Oreja de Van Gogh, Morat eta Gozategi, Donostiako Aste Nagusian

Abuztuaren 12an emango diote hasiera Donostiako Aste Nagusiari, eta astebete geroago, hots, abuztuaren 19an, bukatuko dira festak Gipuzkoako hiriburuan.

Aste horretan Saguesen egongo diren kontzertuen berri eman du gaur Alfonso Gurpegui zinegotziak, eta, ohi bezala, egitarau zabala prestatu dute, horren arabera, egun horietarako. Halaber, Alfredo Leon Mañuk jaiak iragartzeko egindako kartela eta Su Artifizialen Nazioarteko Lehiaketa aurkeztu dituzte.

Kontzertuak

Kontzertuei dagokienez, La Oreja de Van Gogh izango da Sagueseko agertokira igotzen lehena, hilaren 12an. Egun bat geroago, Bob Marley Legenden bisita jasoko du Aste Nagusiak, eta, jaietako hirugarren egunean, Moraten txanda izango da oholtza gainean.

Abuztuaren 15ean, Los Manolosen musikak bustiko du jai-gunea; Gozategik baino egun bat lehenago, hain zuzen.

Azken hiru egunetako protagonistak Los Secretos, Rulo y la Contrabanda eta Chenoa izango dira, hurrenez hurren.