2017/07/19

09:24

Albisteak

Jaialdia

Euskal musikak leku garrantzitsua beteko du asteburuan Ezcaray Festen

LUZIA ZUGADI | EITB.EUS

Uztailaren 21ean eta 22an egingo dute jaialdia Errioxako aipatu udalerrian. Besteak beste, Berri Txarrak eta Belako arituko dira bertan.

  • Berri Txarrak. Argazkia: Tom Hagen

    Berri Txarrak. Argazkia: Tom Hagen

  • Whatsapp
  • Whatsapp
  • Telegram
  • Bidali

Uztailaren 21ean iritsiko da Ezcaray Fest jaialdiaren estreinako edizioa, hiru egunez Ezcarayn geratzeko asmoarekin. Musika talde ezagunak arituko dira bertan, estilo ezberdinak lantzen dituzten artistak, hain zuzen ere.

Euskal musikak, adibidez, bi ordezkari izango ditu: Euskal Herriko aretoak aise betetzen dituzten Berri Txarrak eta Belako taldeak, zehazki. Gainera, Espainiako Estatuko zein nazioarteko talde gehiago ere helduko dira asteburuan Ezcarayra; besteak beste, Leon Benavente, Orishas, La Raiz, The Bellrays eta Marky Ramone.

Hori gutxi ez eta, "Vermu Rockero" ekimenari esker, bazkaldu aurretik, doako zuzeneko kontzertuekin gozatzeko aukera izango dute musikazaleek, herriko zenbait txokotan.

Jaialdiko sarrerei dagokienez, Ezcaray Festen webgune ofizialean eros daitezke, 30 euroan (+ banaketa gastuak). Bi egunerako txartelak, berriz, 49 euroan daude eskuragarri, eta 10 euro gehiago ordainduta kanpatzeko aukera izango dute jaialdira doazenek.

Kontzertuen ordutegiak

Uztailak 21, ostirala

20:00 Tobogán
21:30 León Benavente
23:00 Berri Txarrak
00:45 Marky Ramone

Uztailak 22, larunbata

19:30 Belako
21:00 The Bellrays
22:30 Orishas
00:30 La Raíz

  • Bisitatuena

      Kargatzen ikusiena
      Kargatzen ikusiena