Albisteak
Egitaraua
Kontzertuak izango dira Donostiako jaietako plater nagusietako bat
LUZIA ZUGADI | EITB.EUS
Donostiako Aste Nagusiak, besteak beste, La Oreja de Van Goghen, Moraten, Esne Beltzaren eta Huntzaren zuzenekoak hartuko ditu, abuztuaren 12tik 19ra.
-
Esne Beltza. Argazkia: Gaizka Peñafiel
Hiru egun besterik ez dira gelditzen Donostiako Aste Nagusiari hasiera emateko, eta Gipuzkoako hiriburua prest dago jada zazpi eguneko maratoiari aurre egiteko.
Ohikoa denez, musikak leku garrantzitsua beteko du han. Musika emanaldi guztiak bi gunetan banatutako dira. Alde batetik, Udalak antolatuta, Saguesen gazteen zein helduen nahiak asetzeko adina zuzeneko egongo dira. Bestetik, Piratak jai herrikoien aldeko mugimenduak egitarau zabala prestatu du La Flamenkan, festak girotze aldera.
Sagueseko musika emanaldiak
La Oreja de Van Gogh izango da Sagueseko agertokira igotzen lehena, hilaren 12an. Egun bat geroago, Bob Marley Legenden bisita jasoko du Aste Nagusiak, eta, jaietako hirugarren egunean, Moraten txanda izango da oholtza gainean.
Abuztuaren 15ean, Los Manolosen musikak bustiko du jai-gunea; Gozategik baino egun bat lehenago, hain zuzen.
Azken hiru egunetako protagonistak Los Secretos, Rulo y la Contrabanda eta Chenoa izango dira, hurrenez hurren.
La Flamenkako zuzenekoak
Lehen egunean 3gabe2 taldeak girotuko du gaua; hurrengo egunean, Koban, Iseo & Dodosound eta The Mousenhunters eta DJ P3Z igoko dira taula gainera; eta hirugarren egunean, Huntzaren eta Esne Beltzaran txanda izango da.
Bukatzeko, Pelaxen eta El Drogasen musikarekin gozatuko dute donostiarrek abuztuaren 18an, eta azken egunera arte "parrandan" dabiltzanek Tximeletaren erritmora egingo dute dantza festetako azken egunean.
EGITARAUA
ABUZTUAK 12
La Oreja de Van Gogh (Sagues)
3GABE2 (La Flamenka)
ABUZTUAK 13
BOB MARLEY LEGEND (Sagues)
ISEO & DODOSOUND + THE MOUSENHUNTERS (La Flamenka)
DJ P3Z (La Flamenka)
ABUZTUAK 14
MORAT (Sagues)
HUNTZA (La Flamenka)
ESNE BELTZA (La Flamenka)
ABUZTUAK 15
LOS MANOLOS (Sagues)
LAGRIMAS DE SANGRE (La Flamenka)
BAD SOUND SYSTEM ETA LAGUNAK (La Flamenka)
ABUZTUAK 16
GOZATEGI (Sagues)
LAS TEA PARTY (La Flamenka)
ABUZTUAK 17
LOS SECRETOS (Sagues)
ZE ESATEK (La Flamenka)
JUANTXO SKALARI (La Flamenka)
ABUZTUAK 18
RULO Y LA CONTRABANDA (Sagues)
PELAX (La Flamenka)
EL DROGAS (La Flamenka)
ABUZTUAK 19
CHENOA (Sagues)
TXIMELETA (La Flamenka)