Albisteak
Urriaren 27tik aurrera
Esne Beltza, Niña Coyote eta Chico Tornado eta Zea Mays, EH Sona jaialdian
LUZIA ZUGADI | EITB.EUS
Urriaren 27tik abenduaren 1era euskal musikak koloreztatuko du Bartzelona. Hantxe izango dira, besteak beste, Zazkel, Amorante, Joseba Irazoki eta Ainara Legardon.
-
Argazkia: Gaizka Peñafiel
Hogei urte beteko ditu aurten Euskal Herria Sona musika jaialdiak. Hori dela eta, berezia izango da Kataluniako hiriburua euskal musikaz janzten duen festibalaren aurtengo edizioa.
Urriaren 27an hartuko du Bartzelonak lehenengo kontzertua, Zazkel talde bilbotarrarena, eta abendura arte hainbat euskal artista igaroko dira handik. Asteburu berean, alegia, urriko azken larunbatean, Esne Beltzak girotuko du Salamandra aretoa. Xabi Solanoren taldea, ordea, ez da bakarrik aterako agertokira, gonbidaturen bat edo beste izango baitu oholtzan lagun.
Dena den, kontzertu gehienak azaroan egingo dituzte. Orduantxe joko dute, besteak beste, Amorantek, Eneritz Furyakek, La Basuk, Niña Coyote eta Chico Tornadok, Joseba Irazokik eta Ainara Legardonek.
Abenduan, berriz, Zea Maysen txanda izango da.
Egitarau osoa
Urriaren 27, 21:00
ZAZKEL, doan
Urriak 28, 20:00
Esne Beltza (+talde gonbidatua)
Sarrerak: 10-12 euro
Azaroak 2, 20:00
Amorante + Lu Rois, doan
Azaroak 3, 21:00
Juan de Diego
Sarrerak: 6-8 euro
Azaroak 4, 21:00
La Basu
Sarrerak: 6-8 euro
Azaroak 9, 21:00
Eneritz Furyak + Joan Colomo
Sarrerak: 6-8-10 euro
Azaroak 11, 21:00
Niña Coyote eta Chico Tornado
Sarrerak: 6-8-10 euro
Azaroak 16, 21:00
Joseba Irazoki + Hans Laguna
Sarrerak: 6-8-10 euro
Sarrerei eta lekuei buruzko informazio guztia, hemen.
Azaroak 23, 21:00
Mice + Namina
Sarrerak: 6-8-10 euro
Azaroak 24, 21:30
Ainara Legardon (+Seward)
Sarrerak: 10-12-15 euro
Abenduak 1, 21:00
Zea Mays
Sarrerak: 6-8 euro