Albisteak
Ordutegiak
Bad Soundek ireki eta Txarangok itxiko du AskeRock jaialdia, larunbatean
LUZIA ZUGADI | eitb.eus
Esne Beltza, Txarango eta Willis Drummond, Riot Propaganda, Mafalda, Zoo, Eskean Kristo eta Bad Sound arituko dira Gasteizen.
-
Esne Beltza. Argazkia: Gaizka Peñafiel
AskeRock jaialdiko antolatzaileek larunbateko zuzenekoen ordutegiak iragarri dituzte. Hala, Bad Sound Taldea izango da oholtzara igotzen lehena, 16:00etan, eta Txarangok itxiko du kontzertu-zikloa, 02:40an. Festibala Gasteizko Mendizabalan egingo dute, eta euskal musikak leku garrantzitsua izango du bertan.
Esne Beltza, Txarango eta Willis Drummond ez ezik, talde eta artista gehiago ere bertaratuko dira, Riot Propaganda, Mafalda, Zoo, Eskean Kristo eta Bad Sound, kasu.
Sarrerak 16 euroan eros daitezke aurretik, eta 22 euroan salduko dituzte txarteldegian.
Kontzertuen ordutegiak
16:00 Bad Sound
17:10 Willis Drummond
18:50 Mafalda
20:10 Esne Beltza
21:50 Riot Propaganda
23:30 (ekitaldia)
23:50 Eskean Kristo
01:10 Zoo
02:40 Txarango