Albisteak
Larunbatean, Atarrabian
Willis Drummond, Huntza eta Glaukoma, Hatortxu Rock jaialdian
LUZIA ZUGADI | eitb.eus
Besteak beste, Soziedad Alkoholika, Skakeitan, Gatillazo eta Los Zopilotes Txirriaos ere arituko dira Atarrabian, abenduaren 16an.
-
Hatortxu Rock jaialdia
Hatortxu Rock jaialdiaren hogeigarren edizioa ahaztu gabe dute oraindik askok eta askok, baina konturatu orduko iritsi da Atarrabiako aurtengo hitzordua ere.
Hala, larunbat honetan musikak bustiko du Nafarroako aipatu udalerria. Hain zuzen ere, Soziedad Alkoholika, Willis Drummond, Skakeitan, Glaukoma, Rude Pride, Desakato, Xavi Sarria, Anita Parker, Gatillazo, Woman Powah, Huntza eta Los Zopilotes Txirriaos igoko dira agertokira.
16:00etan irekiko dituzte ateak, eta musika nagusituko da ordu horretan hasi eta goizaldera arte. Sarrerak eskuragarri daude jada ohiko salmenta lekuetan, 18 euroan. Txarteldegian ere egongo da sarrerak erosteko aukera, 23 euroren truke.
Jaialdiaren webgune ofizialean dago horri buruzko informazio guztia.
Kontzertuen ordutegiak:
16:30 Anita Parker
17:25 Huntza
18:25 Willis Drummond
19:30 Xavi Sarria
20:30 Soziedad Alkoholika
22:00 Glaukoma
23:15 Gatillazo
00:30 Los Zopilotes Txirriaos
01:45 Desakato
02:50 Skakeitan
03:55 Rude Pride
04:55 Las Tea Party eta Woman Powah
