Albisteak
Kontzertua
Fito & Fitipaldisek beste zuzeneko bat iragarri du Barakaldon
LUZIA ZUGADI | EITB.EUS
Horrela, maiatzaren 4an eta 5ean izango da BEC erakustazokan abeslari bizkaitarra, "20 urte, 20 hiri" biraren baitan.
Fito & Fitipaldisek Fitografia bilduma aurkeztuko du martxotik aurrera Espainiako Estatuko hainbat agertokitan, "20 urte, 20 hiri" leloa izango duen biran.
Lehen kontzertua Santanderren emango du, eta, guztira, hogei agertoki zapalduko ditu lau hilabeteko epean. Zenbait emanalditarako sarrerak agortuta daude jada. Arrakasta hori ikusita, hiri askotan beste kontzertu bat iragarri behar izan du Fitok, eta hiru, guztira, Madrilen.
Hasiera batean jakitera eman zuenez, maiatzaren 5ean harrapatuko du Barakaldo, eta egun bat lehenago ere izango da BECen. Maiatzaren 19an, berriz, Iruñean izango du hitzordua.
Azken orduotan, gainera, Murtziako, Valentziako eta Madrilgo zuzenekoetan eramango dituen artista gonbidatuen berri eman du. Hain zuzen, M-Clan, Los Zigarros eta Dani Martin dira oholtzan lagun izango dituen musikariak.
KONTZERTUAK:
2018-03-10: SANTANDER (sarrerak agortuta)
2018-03-16: GIJON
2018-03-17: GIJON (sarrerak agortuta)
2018-03-24: CORUÑA (sarrerak agortuta)
2018-04-07: LAS PALMAS KANARIA HANDIKOA
2018-04-13: ZARAGOZA
2018-04-14: LOGROÑO
2018-05-04: BARAKALDO. BEC! (Bizkaia Arena)
2018-05-05: BARAKALDO. BEC! (Bizkaia Arena)
2018-05-12: BARTZELONA
2018-05-18: VALLADOLID
2018-05-19: IRUÑEA
2018-05-25: GRANADA
2018-05-26: MALAGA
2018-06-01: KORDOBA
2018-06-02: MADRIL (sarrerak agortuta)
2018-06-08: MURTZIA
2018-06-09: ALBACETE
2018-06-15: ALMERIA
2018-06-16: VALENTZIA
2018-06-22: BADAJOZ
2018-06-23: SEVILLA
2018-06-25: MADRIL
2018-06-26: MADRIL