Albisteak
Iragarpenak
Governors eta Zoo, Iruña Rock jaialdiaren azken fitxaketak
LUZIA ZUGADI | EITB.EUS
Maiatzaren 25ean eta 26an egingo dute jaialdia Zitadelan. Kontzertu guztiak bi agertokitan banatuko dituzte, eta guztira hemeretzi taldek joko dute.
-
Governors. Argazkia: Garazi Ramos
Pixkanaka ari gara ezagutzen Iruña Rock jaialdian maiatzaren 25ean eta 26an arituko diren taldeen izenak. Azken orduotan, esaterako, beste bi emanaldi gehitu dituzte egitaraura: Governors eta Zoo taldeenak, hain zuzen.
Guztira hemeretzi talde izango dira aipatu jaialdiaren bigarren edizioan. Oraindik, ostera, ez dituzte musikari eta talde guztien izenak iragarri.
Gaurko iragarpenak ez ezik, ezagunak dira Nafarroako hiriburuan arituko diren La Raíz, Doctor Deseo, La M.O.D.A., Narco, Tremenda Jauría, Rat-Zinger, Bourbon Kings, Kitai, Tracción eta Lendakaris Muertos taldeen emanaldiak, baita abenduaren 18an jakinarazitako El Último Ke Zierre, Reincidentes, Penadas Por la Ley, Attikus Finch eta Impedanzia taldeen zuzenekoak ere.
Kontzertu guztiak Nafarroako hiriburuko Zitadelan izango dira, bi agertokitan banatuta.
