Albisteak
Kontzertuak
Izarok bira luzea iragarri du udaberrirako
LUZIA ZUGADI | EITB.EUS
Besteak beste, Hernani, Errenteria, Lekeitio, Tolosa, Basauri eta Arrasate bisitatuko ditu martxoa eta ekaina bitartean abeslari mallabitarrak.
Eason diskoa argitaratu zuenean hainbat kontzertu iragarri zituen Izaro abeslari bizkaitarrak, eta dagoeneko eman ditu horietako batzuk: Bilbokoa, Donostiakoa eta Iruñekoa, hain zuzen. Jendez lepo egon dira Izarok zapaldutako areto guztiak, eta badirudi horrek bidean jarraitzeko indarra eman diola. Izan ere, martxoa eta ekaina bitartean hainbat zuzeneko hitzartu ditu.
Larunbat honetan, adibidez, Gasteiz bisitatuko du eta apirileko lehenengo hamabostaldian Espainiako Estatutik ibiliko da: Santiagon, Coruñan, Bartzelonan eta Vicen. Hilabete bukaeran, baina, Euskal Herrira itzuliko da Getaria, Hernani eta Baliarrain harrapatzeko.
Maiatzean ere oholtzaz oholtza aritzeko asmoa du Izarok: Azpeitia, Berriz, Errenteria, Lemoa, Madril eta Lekeitio. Bukatzeko, hiru hitzordu itxi ditu ekainerako: lehena Igorren izango da; bigarrena, Basaurin, eta azkena, Arrasaten.
Kontzertuak
Martxoak 24, Gasteiz
Apirilak 6, Santiago
Apirilak 7, Coruña
Apirilak 13, Bartzelona
Apirilak 14, Vic
Apirilak 20, Getaria
Apirilak 27, Hernani
Apirilak 28, Baliarrain
Maiatzak 4, Azpeitia
Maiatzak 5, Berriz
Maiatzak 11, Errenteria
Maiatzak 12, Lemoa
Maiatzak 18, Madril
Maiatzak 25, Lekeitio
Maiatzak 26, Tolosa
Ekainak 2, Igorre
Ekainak 9, Basauri
Ekainak 26, Arrasate