Albisteak
Uztailaren 20tik 22ra
Biarritz En Été jaialdiak Belakoren eta Parquet Courtsen zuzenekoak iragarri ditu
LUZIA ZUGADI | EITB.EUS
Polo & Pan, Daniel Avery, Vladimir Cauchemar, Petit Fantôme eta TH da Freak ere gehitu dituzte egitaraura azken egunotan. Sarrerak salgai daude dagoeneko.
-
Belako
Biarritzek musika jaialdi berri bat hartuko du uda honetan: Biarritz en Éte!. Uztailaren 20an, 21ean eta 22an egingo dute festibala Lapurdiko kostako aipatu udalerrian. Guztira, berrogei talde inguru arituko dira, hainbat agertokitan banatuta.
Nazioarteko zein Euskal Herriko artistak igoko dira oholtzara egun horietan, denbora luzez geratzeko asmoarekin jaio baita jaialdia.
Ildo horretan, duela aste batzuk iragarri zuten Biarritzen uztailean arituko diren zenbait talderen izenak: Phoenix, Etienne Daho, Cigarettes after sex, Juliette Armanet, Lomepal, The Black Madonna, L'Impêratrice, Angéle, Agar Agar, Caballero & JeanJass, Yellow Days, Malick Djoudi eta Kepa.
Horiek, ostera, ez dira emanaldi bakarrak izango. Azken egunotan jakin dugu Polo & Pan, Daniel Avery, Parquet Courts, Vladimir Cauchemar, Petit Fantôme, Belako eta TH da Freak ere gonbidatu dituztela estreinako edizio honetara.
Kontzertuak Cité de l'Oceanen egingo dituzte, itsas pasealekuan eraiki duten museo berrian.
Uztailak 20
Juliette Armanet
The Black Madonna
Daniel Avery
L'Impératrice
Parquet Courts
Caballero & JeanJass
Belako
Uztailak 21
Phoenix
Polo & Pan
Angèle
Vladimir Cauchemar
Petit Fantôme
Th da Freak
Uztailak 22
Etienne Daho
Cigarettes After Sex
Lomepal
Agar Agar
Yellow Days
Malik Djoudi