Albisteak
Maiatzaren 5etik aurrera
Revolta Permanent eta Zea Mays, Maiatzak Rok jaialdian
LUZIA ZUGADI | EITB.EUS
Maiatzeko larunbat guztietan kontzertuak hartuko ditu Burlatak, Euskal Herria lagunarteak antolatuta. Zuzeneko guztiak doakoak izango dira.
Maiatzaren 5etik 26ra Burlatan egingo duten Maiatza Rok jaialdiaren aurtengo edizioak itxi du dagoeneko egitaraua. Esan bezala, maiatzeko larunbat guztietan ospatu da jaialdia Nafarroako aipatu udalerrian, eta kontzertu guztiak doakoak izango dira, Euska lHerria lagunarteak antolatuta.
Hala, lehenengo asteburuan Irkaia, Mosh, The Broken Horizon eta Revolta Permanent igoko dira oholtzara, 22:30etik aurrera. Maiatzaren 12an, berriz, ordu berean, Zea Maysen, Gaur Ez eta Superacid taldeen musikaz gozatuko du ikuslegoak.
Hurrengo bi larunbatetan ere ez da Burlatan kontzerturik faltako. Alde batetik, maiatzaren 19an los Chicos, Lie Detectors, Los Hollister eta Juan Txo disko-jartzailea arituko dira. Bestetik, hilaren 26an Hura eta Parockos taldeen txanda izango da.