Albisteak
Uztailaren 27tik 29ra
Mundaka Festival jaialdiko kontzertuak, egunez egun
LUZIA ZUGADI | EITB.EUS
Ostiralean igoko da agertokira !!! (Chk Chk Chk) taldea; larunbatean, berriz, Bunbury eta Belakoren txanda izango da, eta igandean iritsiko da Biffy Clyro Mundakara.
-
Biffy Clyro Austin
Mundaka Festival jaialdiak albiste bikaina eman die aste honetan Biffy Clyroren jarraitzaileei. Talde eskoziarra uztailean Bizkaiko aipatu udalerrian arituko dela jakin denetik, asko eta asko dira festibal horri buruzko informazio gehiago ezagutu nahi izan dutenak. Gauzak horrela, antolatzaileek egunez eguneko egitaraua iragarri dute, baita egun bakarreko sarrerei buruzko informazioa zabaldu ere.
Dagoeneko bukatu da abonamenduen eskaintza berezia. Hortaz, gaurtik aurrera 80 euroko (+ banaketa gastuak) prezioa izango dute hiru eguneko bonuek. Eguneko sarrerak, berriz, 50 euroan salduko dituzte, eta autobus-zerbitzua ere eskainiko dute, eguneko 6 euro ordainduta.
Kontzertuak, egunez egun
Uztailak 27, ostirala
!!! (Chk Chk Chk)
Vintage Trouble
Fink
Depedro
Copernicus Dreams
Dj Pinky
Uztailak 28, larunbata
Bunbury
Rayden
Belako
Revolta Permanent
Moonshakers
Papaya
Uztailak 29, igandea
Biffy Clyro
Atom Rhumba
Santero y Los Muchachos
Confluence
Optigan
Sarreren salmenta
Interneten ez ezik, Bermeoko Luma liburu-dendan, Mundakako Mundaka BCn, Gernikako Musutruken, Durangoko Pol Polen, Bilboko Ambigun eta Ein Prositen, Xixingo El Patio de la Favoritan eta Viajes Amaia Bulego Sarean eskuratu daitezke sarrerak.