Albisteak
Maiatzaren 13an, Senperen
2zio, Anita Parker eta Oihan Vega arituko dira Herri Urratsen
LUZIA ZUGADI | EITB.EUS
Joseba Tapia eta Besamotzak, Korrontzi, Nøgen, The Inspector Cluzo eta Muyayo Rif ere igoko dira oholtzara maiatzaren 13an Senpereko lakuan egingo duten festan.
Maiatzaren 13an egingo dute Herri Urrats jaia Senpereko lakuan. Ipar Euskal Herriko ikastolen aldeko festarako bi aste geratzen dira, beraz. Hori horrela, gaur bertan aipatu hitzorduaren nondik norakoak aurkeztu dituzte Baionan; besteak beste, egun horretan egongo diren kontzertuen egitaraua.
"Prefosta" da edizio honetarako aukeratu dute leloa. Guneei dagokienez, zazpi txoko antolatuko dituzte: probintzi bakoitzeko, bat. Hala, Araba gunean, adibidez, Joseba Tapia eta Besamotzak, Xiberoots, Korrontzi eta Anita Parker arituko dira. 14:30 eta 19:00ak bitartean izango dira zuzeneko guzti horiek. Nafarroan ere izango da zer entzun. Hantxe joko dute 2ziok, Nøgenek, The Inspector Cluzok, Muyayo Rifek eta Don't save the queen taldeak.
Musika emanaldi horiek ez ezik, haur, gazte zein helduentzako bestelako jarduerak ere egingo dituzte.
