Musikaren Eguna 2018, Donostian: Travellin' Brothers, Rural Zombies eta Nerabe

musika

Ekainaren 23an

Rural Zombies, Travellin' Brothers eta Nerabe Donostian, Musikaren Eguna girotzen

LUZIA ZUGADI | EITB.EUS

2018/05/30

Ekainaren 23an egingo dute ospakizuna Gipuzkoako hiriburuko Loiola kalean, eta Raitx, Sabin, Dr. Maha's Miracle Tonic eta Nothing Box arituko dira bertan.

  • Whatsapp
  • Bidali

Ekainaren 23an, Musikaren Eguna ospatuko dute Donostian, Fnac, DKluba, Ginmusica eta Keler etxeen eskutik. Horretarako, kontzertuz girotuko dute Gipuzkoako hiriburua, aurreko urteetan bezala.

Loiola kalean (Arrasate kalearen izkinan) izango dira emanaldi guztiak. Hain zuzen ere, Raitx, Sabin, Dr Maha's Miracle Tonic, Nothing Box, Nerabe, Travellin' Brothers eta Rural Zombies arituko dira bertan, ekaineko azkenaurreko larunbatean.

Zortzi urte beteko ditu aurten ospakizun honek, eta, antolatzaileek gogora ekarri dutenez, iaz 5.000 lagun inguru bildu zituen Musikaren Egunak.

2011n egin zuten estreinako edizioa, eta, harrezkero, besteak beste, El Columpio Asesino, Bigott, Los Coronas, Lauroba, Grises, Belako, Niña Coyote eta Chico Tornado, La M.O.D.A., Smile eta Iseo & Dodosound gonbidatu dituzte.

Donostiako Fnac dendak, berriz, ekainaren 16an ospatuko du Europako Musikaren Eguna. Maria Martinez, Jin Beans, Mikel Toledo, Anai eta Ibai Marin arituko dira bertan.

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Publizitatea
Publizitatea

Bisitatuena

    Kargatzen ikusiena
        Kargatzen ikusiena