Fermin Muguruzaren eta Belakoren Donostiako kontzertuak, bertan behera

musika

Edukiera arazoak

Bertan behera gelditu dira Fermin Muguruzaren eta Belakoren Donostiako kontzertuak

LUZIA ZUGADI | EITB.EUS

2018/06/12

Joko eta Ikuskizunen araudiak erdira murriztu du J.A. Gasca kiroldegiarekin pistako edukiera. Hori horrela, ezinezkotzat jo dute kontzertuak bertan egitea.

  • Whatsapp
  • Bidali

Aspaldi iragarri zuten ekainaren 16an Donostiako J.A. Gasca kiroldegiak Belakoren eta Fermin Muguruza eta The Suicide of Western Cultureren kontzertuak hartuko zituela, baina edukiera arazoak direla eta, bertan behera utzi dituzte bi emanaldiak.

 

Dirudienez, arautegi berriak murriztu egin du pistako edukiera. Hala, 682 lagunentzako tokia baimentzen du Joko eta Ikuskizunen araudiak, alegia, orain arte zeukan edukieraren erdia gutxi gorabehera. Horrenbestez, bideraezina da iragarrita zeuden zuzenekoak bertan egitea.

 

Hori jakinda, emanaldiak bertan behera uztea erabaki dute. Antolatzaileek iragarritakoaren arabera, sarrera erosita zeukatenek hurrengo egunetan jaso ahal izango dute dirua bueltan. Horretarako, sarrera erosi zuten lekura joan beharko dute.

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Publizitatea
Publizitatea

Bisitatuena

    Kargatzen ikusiena
        Kargatzen ikusiena