Albisteak
Ekainaren 17an
Berri Txarrak, Gatibu eta Juantxo Skalari Palma Mallorcakoan arituko dira igandean
LUZIA ZUGADI | EITB.EUS
Gainera, Albert Pla, Antonia Font, Boikot, Crim, Lendakaris Muertos, Non Servium, Reincidentes eta beste hainbat talde eta musikari igoko dira oholtzara.
-
Argazkia: Gaizka Peñafiel
Igande honetan adierazpen askatasunaren aldeko kontzertu erraldoia antolatuko dute Palma Mallorcakoan, eta euskal musikak leku garrantzitsua beteko du han.
Dagoeneko aipatu emanaldian arituko diren hogei talderen izenak iragarri dituzte. Hala, sare sozialen bidez azken orduotan zabaldu denez, Berri Txarrak, Gatibu eta Juantxo Skalari & The Rude Band izango dira euskal musikaren ordezkari.
Gainera, Albert Pla, Antonia Font, Boikot, Crim, Lendakaris Muertos, Non Servium, Reincidentes eta beste hainbat talde eta musikari igoko dira oholtzara.
Sarrerak salgai daude dagoeneko, 20 euroren truke, mallorca-ticket.com webgunean.
