Albisteak
Musika agenda
Kontzertu artean agurtuko dugu ekaina
LUZIA ZUGADI | EITB.EUS
Besteak beste, Hesian, Skasti, Skabidean, La Basu, Anari, Etsaiakeroak, Ze Esatek!, Zea Mays, El Drogas, Rukula, Doctor Deseo, Gatibu eta Sonakay arituko dira asteburuan, Euskal Herrian.
-
Gatibu. Argazkia: Gaizka Peñafiel
OSTIRALA
Hesianek bigarren hitzordu bat du aste bukaeran Euskal Herrian; kasu honetan, Trikiziorekin batera, Arantzazun (Bizkaia).
Gipuzkoa aldera mugituta, Elgetan Skastik eta DJ Bullek emango duten kontzertuarekin egingo dugu topo. Beasainen ere ez da musikarik faltako, Anari gonbidatu baitute Igartza Jauregira.
Dena dela, Nafarroan iragarri dituzte ostiraleko zuzeneko gehienak: Irkaia, Skabidean eta La Basu, Barañainen; Dama, Etsaiakeroak eta Modus, Erratzun, eta Ze Esatek!, Rawan, Hagoan, Taupadak-Samurai, The Offensive - NTH, Los Muga eta abar, Iruñeko Zitadelan.
Lapurdin eta Lapuebla de Labarcan egingo ditugu ostiraleko azken bi geldialdiak. Lehenengoan, Itziarren Semeak, Gora Herria eta Sangria Gratuitte igoko dira oholtza gainera, eta Kaotiko, El Drogas eta Zea Mays arituko dira Lapuebla Rock Fest jaialdian.
LARUNBATA
Ohi baino kontzertu gutxiago egongo dira larunbatean. Zumarragako festak akorde artean igaroko dituzte bertara joaten direnek, Rukula, Ziribulio Sound, Azalera eta DJ Albabarruna aterako baitira agertokira.
Anarik Ataun bisitatuko du larunbatean, eta Eratu eta Ze Esatek! taldeek, Araia.
Amaitzeko, Lapuebla Rock Fest jaialdiaren bigarren egunean ere, talde garrantzitsuak arituko dira; Flitter, Doctor Deseo, Riot Propaganda, Gatibu eta Pako Eskorbuto, esaterako.
IGANDEA
La Pulgaren eta Sonakayren emanaldiak hartuko ditu Berrizek igandean.