Albisteak
2019ko edizioa
Uztailaren 26tik 28ra egingo dute Mundaka Festival jaialdiaren bosgarren edizioa
LUZIA ZUGADI | EITB.EUS
Dagoeneko eskuragarri daude hiru egunetarako bonu bereziak, 40 euroko prezioan. Abiada bizian saltzen ari dira.
-
Mundaka Festival
Hiru egun besterik ez dira igaro Mundaka Festival jaialdiaren laugarren edizioa amaitu denetik, baina antolatzaileek ez dute atseden hartzeko asmorik; izan ere, 2019ko festibala antolatzen ari dira jada, eta oraindik kontzerturik iragarri ez badute ere, datorren urteko edizioari buruzko argibideren bat edo beste eman dute.
Hasteko, 2019an Mundaka Festival jaialdia uztailaren 26tik 28ra izango dela jakinarazi dute. Gainera, hiru egunetarako bonu bereziak jarri dituzte salgai, 40 euroan.
Denbora gutxian, berrehundik gora saldu dituzte. Sarrera horiek, baina, ez dute kanpatzeko, aparkatzeko edota jaialdirako propio prestatutako postuetan jateko aukera emango.