Albisteak
Drake izan da nagusi Billboard sarietan
Besteak beste, artista onenaren, rapero onenaren eta disko onenaren sariak irabazi ditu Las Vegasen egindako sari-banaketan.
-
Drake abeslaria Billboard sarietan
Drake musikaria izan da garaile Billboard sarietan, 12 garaikur eskuratuta: artista onenarena, gizonezko artista onenarena, rapero onenarena eta disko onenarena, besteak beste. Horrenbestez, orain arte Billboard sari gehien jaso dituen artista da orain Drake.
Cardi B, bere aldetik, sei sarirekin joan zen etxera. Ondoren, Maroon 5 taldeak ere arrakastatsu amaitu zuen gaua, lau kategoriatan nagusitu baitzen.
Bestalde, hiruna sari jaso zituzten Ella Mai, Luke Combs, Lauren Daigle eta Ozuna artistek.
Sari-banaketa ez ezik, hainbat emanaldi ere utzi zituen atzoko gauak. Taylor Swift abeslariak abiatu zuen ekitaldia. Madonna eta Maluma ere igo ziren agertokira, baita The Jonas Brothers, Ariana Grande, BTS eta Halsey ere.
