Albisteak
Irailak 18-19
Kase.O, Lola Indigo, Zetak eta Green Valley Donostia Festibalean izango dira
Gaztea
Fernandocosta, Nil Moliner, Mafalda, Morad, Funzo & Babyloud, La Furia eta Víctor Rutty, Rober del Pyro eta DJ Kaef ere iragarpen berrien artean daude.
-
Zetak
Kase.O, Lola Indigo, Zetak eta Green Valley Donostia Festibala jaialdian izango direla iragarri du antolakuntzak. Horiez gain, Fernandocosta, Nil Moliner, Mafalda, Morad, Funzo & Babyloud, La Furia eta Víctor Rutty, Rober del Pyro eta DJ Kaef ere iragarpen berrien artean daude. Jaialdiaren hamargarren edizioa irailaren 18an eta 19an egingo dute, Gipuzkoako hiriburuko Hipodromoan.
Batetik, Kase.O raperoa da zerrendaburuetako bat, espainiar estatuko rap munduko adierazgarri garrantzitsuenetako bat; bestetik, berriz, Lola Indigo artista madrildarra ere kartelburuen artean dago. Fernandocosta, Zetak, Green Valley, Nil Moliner, Mafalda, Morad, Funzo & Babyloud, La Furia eta Victor Rutty, Rober del Pyro eta DJ Kaef dira gainerako artistak. Izen horiek gehitu behar zaizkie lehendik iragarrita zeuden hauei: Dellafuente, Don Patricio, Los Chikos del Maiz, Dupla, Guitarricadelafuente, Hakima Flissi eta Huntza.
Hamargarren urteurrena izanik, hainbat berrikuntza prestatu dituzte: hala nola, eguneko programazioa Lasarten, eta "Red Bull Batalla de los Gallos Exhibicion" enblematikoa, punta-puntako inprobisatzaile trebeenak aurrez aurre jarriko dituen norgehiagoka: Zasko Master, Bnet, Arkano, Skone eta Dj Verse, besteak beste.
Azken urteotan ikusle kopurua ugaritu dela ikusita, Donostia Festibalaren zerbitzuak sendotu egin dituzte. Aurten, antolatutako bidaiez gain, kanpalekua ere izango du jaialdiak, eremuaren ondoan. Gazteenek eta familiek ere jaialdira joateko aukera izan dezaten, 11 urtetik beherako umeak doan sartu ahal izango dira, heldu batekin etorriz gero.
Sarrerak salgai daude dagoeneko, eta martxoaren 4ra arte prezio berezian eskuratu ahal izango dira: 50 euro.
DONOSTIA FESTIBALA
Donostiako Hipodromoa
2020ko irailaren 18an eta 19an
KASE.O
DELLAFUENTE
LOLA INDIGO
DON PATRICIO
LOS CHIKOS DEL MAÍZ
FERNANDOCOSTA
ZETAK
GREEN VALLEY
NIL MOLINER
MAFALDA
GUITARRICADELAFUENTE
MORAD
FUNZO & BABY LOUD
HUNTZA
LA FURIA
VÍCTOR RUTTY, ROBER DEL PYRO Y DJ KAEF
DUPLA
HAKIMA FLISSI
…
RED BULL BATALLA DE LOS GALLOS EXHIBICION
ZASKO MASTER · BNET · ARKANO · SKONE · DJ VERSE
Sarrerak:
Bonuaren eskaintza: 50 euro, martxoaren 4ra arte.
Kutxabank deskontua: Lehenengo 400 bonuek 8 euroko deskontua izango dute, eta txartel bakoitzarekin gehienez ere bonu bat erosi ahal izango da. Erosketa egiteko unean indarrean dagoen prezioari aplikatuko zaio deskontua.