2020/10/15

09:46

Albisteak

Zuzenean

Liher, Izaro eta Ezpalak, asteburuko kontzertuen artean

Gaztea

Horiez gain, Los Secretos, Eñaut Elorrieta, Basaki eta Cobra taldeek ere emanaldiak eskainiko dituzte datozen egunotan, besteak beste.

  • Liher musika taldea

    Liher musika taldea

  • Whatsapp
  • Whatsapp
  • Telegram
  • Bidali

Datozen egunotan ez da kontzerturik faltako gure agertokietan eta aretoetan.

Ostirala

Izaro Andresek abian jarri du Limones en Invierno diskoa aurkezteko udazken honetarako aurreikusitako bira, eta ostiralean Bilbon izango da, Euskalduna Jauregian. Eñaut Elorrietak, bere aldetik, Hondarribiko Itsas Etxea Auditoriuma girotuko du. Horiez gain, Eneritz Furyak eta Mäkkelä Ataungo Oargi elkartean arituko dira zuzenean.

Bestetik, Bilboko BBK Sala aretoak Los Secretos eta Bringas taldeek kontzertuak hartuko ditu, eta Gaztearen webgunean streamingez ikusteko aukera eskainiko dizuegu.

Larunbata

Larunbatean ere hainbat hitzordu ditugu agendan: Ezpalak (Zumarragan), Gari (Ugaon), Liher eta Cobra (Azpeitian), MICE eta Joseba B. Lenoir (Gasteizen), Niña Coyote eta Chico Tornado (Donostian), eta Izaki Gardenak (Elorrion).

Igandea

Astea musikaz gozatuz bukatu nahi izanez gero, hemen dituzue zenbait proposamen: Mikel Urdangarin (Bilbon), Txuma Murugarren (Oiartzunen) eta Basaki (Amurrion, Araba Euskarazek eta Ahotseneak elkarlanean antolatuta).

  • Bisitatuena

      Kargatzen ikusiena
      Kargatzen ikusiena