Albisteak
AGENDA
Asteburuko kontzertuen zerrenda, hilabetea agurtzeko!
Gatibu, Zetak, Olatz Salvador, Huntza, Eñaut Elorrieta eta beste hainbat talde eta artista arituko dira asteburu honetan kontzertuak ematen.
-
Zea Mays
Asteburu honetan, kontzertuak lehenago hasiko dira. Izan ere, ostegunean Gatibu Donostiako Victoria Eugenia antzokian arituko da, 19:00etan.
Olatz Salvador eta Anari ere zuzenean arituko dira 19:00etan: bata Amurrioko antzokian eta bestea Villabonako Gurea antzokian. Horiez gain, Nøgen taldea Zumarragako Zelai Arizti aretoan izango da 19:30ean. Hala ere, sarrerak agortuta daude.
Hileko azken ostiralean, otsailaren 26an, Zetak taldeak Arabako hiriburuan emango du zuzenekoa. 18:30ean izango da hitzordua, Gasteizko Kubik aretoan.
Otsailaren 27an, larunbatean, bost zuzeneko daude aukeran. Olatz Salvadorrek hiru kontzertu emango ditu aste berean; beraz, ostegunekoa ikusteko aukerarik izan ezean, beste aukera bat duzu Elorrioko Arriola antzokian, 19:00etan. Ordu berean, Huntza, Zea Mays eta Eñaut Elorrieta arituko dira: Huntza taldea Azpeitiko Soreasu antzokian, Zea Mays Getxoko Muxikebarrin, eta Eñaut Elorrieta, Gasteizko Principal antzokian.
Igandean, Olatz Salvadorrek Irungo Amaia Kultur zentroan eskainiko du aste honetako azken zuzenekoa, 19:00etan hasita. Azkenik, Iker Lauroba Larrabetzuko Hori Bai gaztetxean izango da, 18:30etik aurrera. Kontzertura joateko asmoa izanez gero, izena bidali behar da kulturbilgunea@gmail.com helbidera.