Albisteak

Londres

Dua Lipa nagusi, Brit sarien galan

I. U. | Gaztea

Emakumezko artista britainiar onenaren atalean irabazteaz gain, urteko disko onenaren garaikurra eraman zuen etxera, "Future Nostalgia" lanagatik.

2:47
Dua Liparen emanaldia

Dua Lipa izan da nagusi bart Londresen ospatutako Brit sarien galan; izan ere, emakumezko artista britainiar onenaren sariaz gain, urteko disko onenaren garaikurra ere irabazi du Londresko musikariak. Hala, zituen hiru izendapenetatik bi eskuratu ditu.

Honako hau da gainerako irabazle esanguratsuenen zerrenda:

Global Icon: Taylor Swfit

Artista berri onena: Griff

Talde onena: Little Mix

Gizonezko artista onena: JHus

Nazioarteko emakumezko artista onena: Billie Eilish

Abesti britainiar onena: Harry Stylesen "Watermelon Sugar"

Nazioarteko talde onena: HAIM

Nazioarteko gizonezko artista onena: The Weeknd

Zuzeneko musika

Zuzeneko musikarik ez da falta izan bart gaueko ekitaldian. Coldplay taldeak ekin dio gauari, kaleratu berri duen "Higher Power" kantuarekin.



Jarraian, Dua Lipak hartu du lekukoa, "Hallucinate", "Don't Start Now" eta "Physical" arrakastak taularatuta.



Horiez gain, Griff eta Olivia Rodrigo gazteek ere girotu dute gaua.