Albisteak
Kontzertua
Amaral Zarautzen arituko da abuztuaren 25ean
L.Z.
Maiatzetik urrira bitartean hogei kontzerturik gora emango ditu AEBetan eta Europan.
-
Amaral, Bilbon. Argazkia: Tom Hagen
Amaralek kontzertu bira luzea egingo du hurrengo hilabeteetan. Hacia lo Salvaje diskoaren aurkezpen bira Europara eta AEBetara ere iritsiko da.
Lehenengo kontzertua gaur bertan eskainiko du Sevillan eta handik Stockholmera abiatuko dira Eva Gonzalez eta Juan Agirre. Ekaina hasieran Alemaniatik ibiliko dira eta hilaren 9an Toledon jo ostean, AEBetara joango dira.
Udan espainiar Estatua zeharkatuko dute eta Euskal Herrian ere hitzordua dute. Hain zuzen ere, abuztuaren 25ean Zarautzen arituko da Amaral.
