La Pegatina, Bizardunak eta Esne Beltza, asteburu honetan, Mundumiran

Mundumira jaialdiaren zortzigarren edizioa Leintz Gatzagan eta Eskoriatzan ari dira ospatzen, atzotik igandera bitartean. Ohi bezala, bost kontinentetako musika, antzerkia, gastronomia eta artisautza ditu ardatz jaialdi honek.

Musikari dagokionez, hainbat talde ezagun igarotzen ari dira Debagoienatik asteburuan. Atzo, adibidez, Muturbeltz euskal taldearen musika izan zen entzungai Eskoriatzan. Gaur, berriz, La Pegatina eta Esne Beltza izango dira han.

Bihar Leintz Gatzagak Anariren zuzenekoa hartuko du eguerdian eta Eskoriatzan Bizardunak talde nafarraren folk doinuak izango dira nagusi.

Hemen duzue egitarau osoa.