Albisteak
Las Vegasen
Adele izan da nagusi Billboard sarietan
I.U.
Hamabi sari lortu ditu artista britainiarrak, tartean, urteko artista onenarena.
-
Adele
Adele abeslari britainiarrak hamabi kategoriatan irabazi du Las Vegasen izandako sari-banaketan. Urteko artista izendatu dute eta horrez gain, abesti alternatibo onenaren garaikurra ere berarentzat izan da, Rolling in the Deep kantari esker.
Nabarmentzekoak dira, era berean, Lil Wayle kantaria eta Coldplay taldea, launa sari eman baitizkiete. Halaber, Casting Crowns, Jason Aldean eta Lady Gaga ere saritu dituzte, bakoitza bi ataletan.
Antolakuntzak Whitney Houston omendu zuen. John Legendek The Greatest Love of All abestu zuen piano doinuez lagunduta. Robin Gibb Bee Gees taldeko abeslari eta sortzailea ere gogoan izan zuten. 62 urte zituela hil da minbiziaren ondorioz. Gaixotasun berak jota hil zen ostegunean Donna Summer eta hura ere gogoan izan dute.
Sari-banaketa hainbat zuzeneko emanaldik girotu zuten: Steve Wonder, Alicia Keys, Linkin Park, Carry Underwood eta Chris Brown, besteak beste.
