M.C.D. punk taldea, Madrileko Athletic Hirian

M.C.D. punk talde bilbotarrak zuzeneko emanaldia eskainiko du ostiral honetan Madrilen, Athleticek eta Bartzelonak jokatuko duten Errege Kopako finala girotzeko. 19:30ean hasiko da kontzertua Athletic Hirian, Madrid Rio zelaigunean.

Goizeko 10:30ean irekiko dute gune berezi hori bazkide eta zale guztientzat. Jarduera ugari antolatu dituzte egun osoan zehar. 21:00etan partida izango da ikusgai pantaila erraldoien bidez.

Festa ostegunean zen hastekoa, baina Madrileko Udaletxeak ez du baimenik eman eta bertan behera utzi dituzte aurreikusita zeuden kontzertuak.