Albisteak
Nobedadeak
Urrian kaleratuko du 'Battle Born' diskoa The Killersek
L.Z.
Hasiera batean lan berria udan iritsiko zela iragarri zuen taldeak, baina, dirudienez, urrira arte ez da The Killersen berriena entzungo.
-
The Killers
The Killersek estudioko laugarren diskoaren izenburua iragarri du: Battle Born. Hain zuzen ere, taldearen grabazio estudioaren izena da hau.
Gainera, proiektu berriaren kaleratze data ere aurreratu dute. Hasiera batean diskoa udan iritsiko zela jakinarazi zuten, baina, dirudienez, urrian helduko da The Killersen berriena.
Oraindik ez dute singlerik aurkeztu, bai, ordea, hainbat kanturen izenburuak: "Heart Of A Girl", "Flesh And Bone", "Carry Me Home" eta "Runaways, besteak beste.
Lan berrian Stuart Pricek, Steve Lillywhitek, Damian Taylorrek eta Brendan O’Brienek kolaboratu dute.
