13:37

Gaztea

Zurrumurruak

Jet, Alice In Chains, Rise Against eta Capsula... Bilbao BBK Liven?

Garazi Urdanpilleta

Erredakzioa

Hainbat forotan Kobetamendiko jaialdian aurten jo dezaketen talde gehiagoren izenak hasi dira agertzen. Aipaturikoez gain, Coheed And Cambria, Bullet eta Rise To Fall izenak ere irakurri ditugu.

  • Whatsapp
  • Whatsapp
  • telegram
  • Bidali

Bi baieztapen ofizial izan ditugu oraingoz 2010eko Bilbao BBK Live jaialdiari dagokionez. Pearl Jam eta Rammstein bertan zuzenean arituko direla iragarri zuten duela zenbait hilabete antolatzaileek baina, geroztik ez dugu albiste gehiago jaso.

Interneten zurrumurruak berehala zabaltzen dira eta hainbat forotan izen gehiago hasi dira aipatzen. Ondorengo hauek dira irakurri ditugun izenak:

Jet: talde australiarrak Shaka Rock diskoa aurkezteko kontzertu-biraren baitan, apirilaren 2 arte baino ez ditu zehaztuta kontzertuak

Alice In Chains:&' || 'nbsp;Seattlego (AEB) taldea Black Gives Way To Blue diskoa aurkezteko Ameriketan emango dituen kontzertuen berri soilik eman du. Martxoa bitartekoak baino ez dituzte iragarrita.

Rise Against: Chicagoko (AEB) taldeak ekainaren 2tik 23ra bitartean Europan hainbat jaialditan parte hartuko duela iragarri du. Egun horretatik aurrera, ez dauka ezer zehaztuta oraindik.

Capsula: Urtarrilaren 21ean Bilbon aritu zen talde bilbotar-argentinarra eta otsailaren 13an Atarrabian izango da. Otsailaren 27tik aurrera berriz Ameriketara doaz eta martxoaren 21era arte soilik dituzte zehaztuta kontzertuak.

Coheed And Cambria: New Yorkeko rock progresiboko taldeak Year Of The Black Rainbow diskoa aurkezteko AEBetan apirilaren 27ra arte emango dituen kontzertuak soilik iragarri ditu.

Rise To Fall: Talde sopelarraren izena ere irakurri dugu hainbat forotan. Oso kontzertu gutxi dauzkate iragarrita 2010erako.

Antolatzaileen baieztapenaren zain geldituko gara.


  • Hau zure interesekoa bada, baliteke beste gai hauek ere izatea:
  • Gaztea online

Iruzkinak

  • Irratia zuzenean

    Bisitatuena

      Kargatzen ikusiena
      Kargatzen ikusiena