13:39

Gaztea

'Intimissimi'

Oinatz Bengoetxea: "10.000 milioirekin 10 auto erosiko nituzke"

'Dida'-ko "Intimissimi" tarteak Oinatz Bengoetxea pilotaria biluztu du. Datorren astean Lau t'erdiko finala jokatuko du leitzarrak, baina aurretik hamar galdera "arriskutsu" egin dizkio Jon Gotzonek.

  • 7:28 min
  • Whatsapp
  • Whatsapp
  • telegram
  • Bidali

Ametsei buruz hitz egin du lehenik eta behin, eta Lau t'erdiko txapela lortzea da orain Oinatzen helburua. Seguruenik beteko ez den amets bat ere badu buruan bueltaka: Kachenjunga igotzea.

Jatekoari buruz galdetuta, esan du ez dituela gozokiak gustuko, bai, ordea, txokolatea. Edariekin, aldiz, konformistagoa da, garagardoa eta kalimotxoa biak ala biak atsegin dituelako.

Musika kontuetan denetarik entzuten du, baina nagusiki Pirritx eta Porrotxek agintzen dute Bengoetxearen autoan. Pilotariak ez du zehaztu zein den gaur egun duen autoa, baina oso argi utzi du maite dituela lau gurpildun ibilgailuak. Izan ere, 10.000 milioi eurorekin hamar auto erosiko lituzkela azpimarratu du.

Urduri erantzun du Jon Gotzonen galdeketa. Adibidez, sexu bereko norbaitekin oheratzekotan nor aukeratuko lukeen galdetu diotenean adierazi du ez duela halakorik planteatzen.

Bukatzeko, ausart erakutsi du bere burua Oinatzek, ezeri beldurrik ez diola nabarmendu duelako. Inbidia, aitzitik, gauza bakarrari dio: auto on bati.

Iruzkinak

  • Irratia zuzenean

    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena