Gaztea
Ekimena
LUZIA ZUGADI | EITB.EUS
Euskarazko liburu baten iruzkina egin beharko dute parte hartzaileek. 14 eta 18 urte bitarteko gazteei zuzenduta dago lehiaketa, eta sari potoloak daude jokoan.
Ikus-entzunezkoen bidez, gazteen artean irakurketa sustatzeko helburuarekin Gazteak, Galtzagorri Elkarteak eta EAEko Liburutegi Zerbitzuak Booktuberboom lehiaketa antolatu dugu.
Hain zuzen ere, liburutegi publikoren bateko bazkide txartela duten 14 eta 18 urte bitarteko gazteei zuzenduta dago ekimena.
Zer egin behar da?
Kamera eta telefono mugikorra edo tableta soilik behar dituzue lehiaketan parte hartzeko. Bideo horretan, irakurri berri duzuen liburu baten iruzkina egin beharko duzue, eta Youtuben argitaratu, dela zuen kanalean, dela herriko liburutegiaren kanalean edo dela zure ikastetxeko kanalean.
Halaber, Booktuberboom blogeko parte-hartze orria bete beharko duzue, azaroaren 17a baino lehen, zuen bideoak daukan helbidea atxikita.
Bideoak bete beharreko baldintzak
Gazte nahiz helduentzako argitaratutako euskarazko liburu bati buruzko iruzkina izan behar da. Booktubea baita, euskaraz egin behar duzue (euskalki guztiek izango dute lekua).
Gehienez 1,5 minutuko iraupena izan behar dute bideoek, eta gutxienez, 60 segundokoa. Aurretik beste inon argitaratu ez den bideo bat izan behar da.
Egileak
Bideoan egile batek baino gehiagok parte hartu badu, egileetako baten izenean bidaliko da, baina izen-emate orrian gehiago direla aipatuz.
Sariak
Epaimahaiaren saria: Go Pro kamera + 50 euroko bonua liburuak erosteko
Aurkezten diren booktube guztien artean onena hautatuko du hiru adituk osatutako epaimahaiak. Diskurtso narratiboa, kalitate teknikoa, originaltasuna eta ikuslea erakartzeko gaitasuna hartuko dira kontuan.
Publikoaren saria: abentura txango bat + 20 euroko bonua liburuak erosteko
Lehiaketara aurkeztutako bideoen artean, urriaren 31ko 00:00 orduak arte “gustatzen zait” gehien jasotzen dituen booktubearentzat.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.