Gaztea
Martxoak 21
Gaztea
Bilbao Arenan izango da, 17:30etik aurrera. Hiru agertoki egongo dira, dantza, musika, kirol eta kultura adierazpen ikuskizunak eskaintzeko.
BreakOnStage
BreakOnStage jaialdia martxoaren 21ean izango da, Bilbao Arenan. 17:30etik aurrera, dantza, musika, kirola eta kultura arloko ikuskizunak eskainiko dituzte, hiru agertokitan banatuta.
Aurtengo parte hartzaile nabarmenenak hauek dira:
Aretoko breakdance lehiaketa
Egungo munduko txapeldunak lehiatuko dira: Last Squad frantziarrak. Halaber, Legacy (Bartzelona) taldea ere izango da Bilbao Arenan, breakdance Iberica 2019ko irabazlea, eta baita Feel The Sound bilbotarra ere.
Scooter Freestyle Battle
Mundu mailako gorenean dauden lau rider hauek arituko dira: Jamie Addisson (EB txapelduna), Alex Gonga (Junior mailako munduko txapelduna), Ruben Doniga eta Marti Samper.
Bost Urban Dance
Ehun urban dance talde hiru sailkapen jaialditan aritu dira final handian egoteko txartelaren bila. Sei talde onenak izango ditugu bertan bi kategoriatan: Nagusien kategorian, Breathless (Iruñea), Bamboo (Donostia) eta Elements (Barakaldo); Gazteen kategorian, Slippery (Bilbo), Legacy Breath (Iruñea) eta Extra (Gernika).
BMX jauziak
BMX bizikletekin arituko dira Diego Solans (Espainiako txapelduna), Arkaitz Armendariz, Martxel Arribillaga eta Aleix Planella.
Horrez gain, bestelako ikuskizunak ere egongo dira: "Indala dance theater" (zirkua eta dantza urbanoa uztartzen dituena) edota "Nury & Izaskun" Lock&Pop dantzariak. Iker Villak aurkeztuko ditu ikuskizunak.
BreakOnStage jaialdiak ateak 17:00etan zabalduko ditu eta ikuskizuna 17:30etatik 19:30etara izango da.
Sarrerak Kutxabank kutxazainetan eta jaialdiaren web orrian salgai daude.
Informazio guztia www.breakonstage.com webgunean dago.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.