10:43

Gaztea

Berri Txarrak

'Dardara' dokumentala eta Gorka Urbizurekin solasaldi esklusiboa, Gaztearen eskutik

EITB Media

Gaztearen 30. urteurrenaren ospakizunen baitan, Ainhoa Urretabizkaia kazetariak solasaldi esklusiboa gidatuko du Gorka Urbizu abeslariarekin eta Marina Lameiro zinemagilearekin.

  • 'Dardara' dokumentalaren irudia.

    'Dardara' dokumentalaren irudia.

  • Whatsapp
  • Whatsapp
  • telegram
  • Bidali

Ostegun honetan, martxoak 18, Berri Txarrak taldeari buruzko Dardara dokumentalaren aurrestreinaldia eskainiko dute Bilboko Azkuna Zentroa-Alhóndiga Bilbaon, 19:00etan. Aurretik, Gaztearen 30. urteurrenaren ospakizunen baitan, Ainhoa Urretabizkaia kazetariak solasaldi esklusiboa gidatuko du Gorka Urbizu abeslariarekin eta Marina Lameiro zinemagilearekin, 18:00etan. Gazteako hamar entzulek solasaldian parte hatzeko aukera izango dute eta, ondoren, Dardara dokumentalaren proiekzioaz gozatuko dute. Solasaldi osoa streaming bidez jarraitu ahal izango da Gaztearen webgunean.

Marina Lameiroren bigarren film luzeak Berri Txarrak taldeak munduko hainbat txokotako jarraitzaileengan utzitako arrastoa du erakusgai. Zinemagile nafarrak bertatik bertara jarraitu zuen Berri Txarrak taldeko "Ikusi Arte" agur bira eta bertan jasotakoak, eta jarraitzaileen lekukotasunak zein Gorka Urbizu taldeko gitarrista eta abeslariaren hausnarketak bildu ditu dokumentalean.

EITBren partehartzea duen filmaren egileen hitzetan, "Berri Txarrakek utzitako arrastoa ikusiko dugu, eta estilo bat —rocka—, hizkuntza bat —euskara— eta belaunaldi bat —bere kideena— gaindituz, fenomeno unibertsal bihurtzea nola lortu duten aztertuko dute".

Iruzkinak

  • Irratia zuzenean

    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena