Gaztea

07:27

Gaztea

Aste honetako sailkapena

"Lisboa" abestia, Top Gaztea zerrendaren gailurrean

ITZIAR URDAPILLETA | EITB.EUS

Anne Lukinen eta Gorka Urbizuren arrakastak lortu du lehen postuan kokatzea, aste honetan. Bigarren dago Zetaken "Akelarretan" eta hirugarren, Dua Liparen "We're Good".

  • Whatsapp
  • Whatsapp
  • telegram
  • Bidali
  • Esteka kopiatu

Bideoak (1)

Lau postu irabazita, Anne Lukinen eta Gorka Urbizuren "Lisboa" kolaborazioak lortu du aste honetan TOP GAZTEA zerrendaren lehen tokian kokatzea. Horrenbestez, bi astez gailurrean egon ostean, bigarren geratu da Zetaken "Akelarretan" kantua. Dua Liparen "We're Good" proposamena dago hirugarren, podiuma osatzen.

Bulegoren "Gure Izarrak" abestiak, bere aldetik, tinko eutsi dio laugarren tokiari. Ondoren, bosgarren daude Chica Sobresalto eta Zahara, "Adrenalina"ren melodian. Nathy Pelusoren "Delito" arrakastak seigarren jarraitzen du, eta zazpigarren, The Weeknd eta Ariana Granderen "Save Your Tears".

Azkenik, honako hiru abesti hauek osatzen dute hamar abesti bozkatuenen zerrenda: "La Noche de Anoche" (Bad Bunny eta Rosalia), "Erori Arte" (Nøgen) eta "Montero" (Lil Nas X).

1.- ANNE LUKIN ft. GORKA URBIZU: Lisboa

2.- ZETAK: Akelarretan

3.- DUA LIPA: We're Good 

4.- BULEGO: Gure Izarrak

5.- CHICA SOBRESALTO / ZAHARA: Adrenalina

6.- NATHY PELUSO: Delito

7.- THE WEEKND / ARIANA GRANDE: Save Your Tears

8.- BAD BUNNY / ROSALIA: La Noche de Anoche

9.- NØGEN: Erori Arte

10.- LIL NAS X: Montero (Call Me By Your Name)

Zerrenda osoa, hemen.

Iruzkinak

    • Irratia zuzenean

    Gaztea Entzun zuzenean