Sareetan ikusia: Pello Reparazen sorbalda Arrasate eta Lizarrako kontzertuetan

Gaztea

ZETAK taldeko abeslariak sorbalda atera du eskiatzen izandako ezbehar batean, taldeak bere sare sozialetan jakitera eman duenez. Hala ere, kontzertuekin aurrera jarraitzeko erabakia hartu dute.

Orria entzun Orria entzun

Pello Reparaz, Arrasateko Gaztetxean. Argazkia: @zamawithacamera

Whatsapp
Whatsapp
telegram
twitt
Bidali
Esteka kopiatu

ZETAK taldeak Arrasateko Gaztetxean emandako kontzertuaren irudiak biral bilakatu dira asteburuan. Bertan, Pello Reparaz agertzen da, sorbalda atera ostean jarri dioten beso-euskarriarekin oholtza gainean abesten.

Taldeak bere sare sozialetan publikatu duenez, Reparazek sorbalda atera zuen eskiatzen izandako istripuan. Hala ere, programatuta zituzten kontzertuak ematea erabaki zuten, eta asteburuan zuzenekoak eskaini dituzte Arrasateko Gaztetxean eta Lizarran.

¿Cancelar is the last¿¿ pic.twitter.com/hOpjxAExU8
— ZETAK (@zetak_org) January 16, 2022

Bideoak oihartzuna izan du sare sozialetan, eta jarraitzaileek animo eta esker oneko mezuak bidali dizkiote ZETAKeko abeslariari.

Taldeak Zein Ederra Izango Den Fest antolatzen jarraitzen du. Dena ondo bidean, Gatibu, Iseo & Dodosound, ETS eta beste hainbat talde eta artista igaroko dira BECeko oholtzara apirilaren 2an.