Gaztea

Musika

Basauriko Udalak baztertu egin du musika jaialdi erraldoiaren proiektua

B. F. | EITB Media

Mad Cool Festival jaialdiaren sustatzaileetako batek festibal erraldoi bat egiteko proiektua aurkeztu du. Proposamena aztertu ostean, baina, ezezko erantzuna eman dio Udalak.

  • Musika jaialdia

    Musika jaialdia. EITB Mediaren artxiboko irudia

Basauriko Udalak ohar bidez jakitera eman duenez, 2022ko irailean ez da musika jaialdi erraldoirik egingo La Basconia lantegia zenaren lurretan. Mad Cool Festival jaialdiaren sustatzaileetako batek aurkeztutako proposamena aztertu ostean, proiektua baztertzea erabaki du Udalak, mugikortasun, ingurumen eta segurtasun arazoak tarteko.

Ohar berean azaldu dutenez, iraileko jaialdiaz gain, beste lau kontzertu handi antolatu nahi zituen enpresa sustatzaileak. Ekitaldi masiboek "kutsatuta egon daitekeen" lurzoruan eragingo lituzketen kalteak kontuan izanda, Udalak berretsi du La Basconiako eremua ez dela musika jaialdi handi bat egiteko gune aproposa.