'Lokaleroak' lehiaketa: Sodupe izan da aste honetako irabazlea

ETB-3ko "Lokaleroak" saioaren bigaren denboraldiko lokalak ikusten jarraitzen dugu eta aste honetan Sodupe, Ondarroa eta Bilboko gazteekin egon gara euren lokalak ikusten.

Lokalen arteko lehiaketan irabazlea Sodupe izan da ia 100 boturekin, asteko lokalen artean bozkatuena bilakatuz. Bigarren tokian Ondarroa gelditu da eta hirugarrenean, aldiz, Bilbo.

Buatxabal moda etxearen bi kamiseta zozkatu ditugu boto eman duzuen guztion artean eta Oskar Rodriguez eta Mikel Fernandez izan dira irabazlea.

Aste honetako saioan

Aste honetan "Lokaleroak" saioa Bermeo, Bilbo eta Vianan izango da.

Bermeoko gazteak saltzero hutsak dira eta bere lokalean Inauteriak nola ospatzen dituzten ikusi ahalko dugu.

Bilboko lokalean aldiz, futbola dute gustoko eta beraiekin Athletic-Manchester partida ikusiko dugu. Bilbotarrek izena jarri diote bere lokalari: "Fumonja". Beraiek azalduko digute izen xelebre honen zergatia.

Vianan berriz, kontzertu bat zuzenean entzuteko aukera izango dugu. Lokaleko partaidetako batek musika talde batean jotzen du eta han izango dira. Lokala txikitako beraien ikastola zen eta gaur egun beraien gela dute lokal moduan.