“Yoko Ona”k zuzeneko lehen saioa egin du Gasteizen, publikoaren harrera beroarekin

B. F. | EITB Media

Ainhoa Vitoria, Olatz Salvador, Lore Nekane Billelabeitia, Andrea Aramburu eta Onintza Enbeita sexuaz aritu ziren, Gasteizko Jimmy Jazz aretoan.

Orria entzun Orria entzun

"Yoko Ona", Jimmy Jazzen. Argazkia: EITB Media

Whatsapp
Whatsapp
telegram
twitt
Bidali
Esteka kopiatu

90 lagun inguru bildu zuen bart "Yoko Ona" bideopodcastaren lehen zuzenekoak, Gasteizko Jimmy Jazz aretoan. Ainhoa Vitoria, Olatz Salvador, Lore Nekane Billelabeitia, Andrea Aramburu eta Onintza Enbeitak publikoa eurenganatzea lortu zuten, sexua hizpide.

"Yoko Ona"ko kideek esan beharreko guztia esanda, ikusleen txanda iritsi zen: Andrea Arambururen bitartez, publikoak gai eta anekdota konprometituen inguruan galdetzeko aukera izan zuen.

'Yoko Ona'ko kideak. Argazkia: EITB Media

Hala, sexuaren gaiarekin lotuta, inoiz gertatu zaizkien istoriorik bitxienak kontatu zituzten gaueko protagonistek.

Hizketaldia bukatu eta aitortu beharreko guztiak aitortuta, Olatz Salvadorrek eta Lore Nekane Billelabeitiak akustiko txiki bat eskaini zuten, saiori bukaera borobila emanez.