Gaztea
Musika
Tremenda Jauria, Broken Brothers Brass Band, Neomak, Sua, ETS eta Chill Mafia, asteburuko kontzertuen artean
B. F. | EITB Media
San Joan jaien bueltan, estilo, genero eta adin guztietarako musika eskaintza programatu dute Euskal Herriko hainbat herritan.
-
Tremenda Jauria. Argazkia: @tremendajauria
Musikaz lepo dator ekaineko azken asteburua. Besteak beste, Tremenda Jauria, Broken Brother Brass Band, Neomak, Sua, ETS eta Chill Mafia artisten zuzenekoez gozatzeko aukera izango dugu.
Ostirala
Arrasateko San Joan jaien bueltan, Nhil taldeak joko du 21:00etan txosnagunean. Gero, 23:15ean, Monterron parkean, Neomak taldeak.
Leioan, 23:15ean, ETS taldeak zuzenekoa eskainiko du "Sumendiak" bira osatzeko.
Mungiako jaietan, txosnetan, Sua talde bizkaitarra arituko da 23:30etik aurrera.
Donostiako Dabadaba aretoan, Nueva Vulcano eta Viva Belgrado espainiar bandak arituko dira. Sarrerak salgai daude, 18,50 euroan, Dabadabaren webgunean. Bi taldeek beste zuzeneko bat eskainiko dute larunbatean Bilboko Kafe Antzokian.
Hoy arranca la famosa gira de @nuevavulcano & @vivabelgrado por Euskal Herria. Gracias por la paciencia a los que pillasteis entrada en su día, toca disfrutar:
— La Castanya (@lacastanya) June 23, 2022
• J23: Gasteiz @JimmyJazzGz
• V24: Donostia @DabadabaSS
• S25: Bilbo @kafeantzokia
¿ Últimas entradas @dice_spain pic.twitter.com/EJw6xJDZZm
Iruñeko Zentralen, Broken Brothers Brass Bandek kontzertua emango du artista gonbidatu batekin 20:00etatik aurrera sarrera librearekin.
Larunbata
Arrasaten, Etxepare&Fane, Tatta&Mutiko&Denso, Merina Gris eta Su Ta Gar ikusteko aukera izango da 22:00etan hasita txosnetan.
Liveeeeee ¿ Ttap ttap ttap ¿
— Merina Gris (@MerinaGris) June 22, 2022
¿ @markelidigoras
¿ Ekhi Alde
¿ Claudia Chocarro pic.twitter.com/nqDfsbSGrf
Leioako jaietan, Liher, Amooma eta Basaki taldeek joko dute 22:30etik aurrera.
Mungian, txosnagunean, Chill Mafia nafarren zuzenekoa izango da ikusgai 22:30etik aurrera.
Muskizeko sanjoanetan, Esne Beltza eta Akerbeltz arituko dira, 23:30etik aurrera.
Igandea
Asteburua bukatzeko, Anari bakarlariaren kontzertua, 20:00etan Arrasateko Herriko Plazan.
Andoaingo Nafarroa Plazan, ostera, Mikel Morenok zuzenekoa eskainiko du 20:30ean. Gero, Tremenda Jauriak joko du leku berean 23:30ean.
Sestaon, Sonakai taldearen erritmo flamenkoez gozatzeko aukera izango da Kasko plazan 22:00etan.
