Iggy Pop, Rancid eta Lucinda Williams dira Azkena Rock Festival 2023ren karteleko lehen izenak

Ekainaren 15etik 18ra, Azkena Rock Festival (ARF) jaialdiak rock doinuz jantziko du Gasteizko Mendizabala. Festibaleko antolatzaileek iragarri dituzte jada bertan arituko diren artisten lehen izenak. Iggy Pop, Rancid eta Lucinda Williams nazioarteko artistak bertan izango dira, kartelburu gisa.

Aipatutakoez gain, Steve Earle, Melvins, Calexico, Queensrÿche eta Monster Magneten izenak ere aurreratu dituzte. Euskal Herriko artistei dagokienez ere zabala izango da eskaintza: Brigade Loco, Pasadena eta El Drogasek "sugarra piztuko dute" ARFen oholtzetan.

El rock ya está de vuelta. Iggy Pop, Lucinda Williams, Rancid y muchos más encienden la llama del #azkenarockfestival ...Nos vemos los días 15, 16 y 17 de junio en Mendizabala. pic.twitter.com/Yji6UafG47

— Azkena Rock Festival (@AzkenaRockFest) October 21, 2022

Sarrerak eta Gazte Bonua

Berrikuntza gisa, jaialdiak Gazte Bonua eskainiko du estreinakoz. 15 eta 23 urte bitarteko gazteek sarrera merkeagoa, 100 eurokoa, erosteko aukera izango dute, eta aipatutako sarrera Gazte Kultura Bonuarekin ere eskuratu ahal izango da.

Azkenik, ARFek publiko fidelari keinu egin nahi dio, urriaren 24tik aurrera prezio berezidun (110 €) sarrerak aurresalmetan eskainiz. Bestela, tiket orokorrak (130 €) urriaren 28an jarriko dituzte salgai, hemen.

Orain arte konfirmatutako izenak

IGGY POP
RANCID
LUCINDA WILLIAMS
BONES OF MINERVA
BRIGADE LOCO
CALEXICO
STEVE EARLE
EL DROGAS (BARRICADA – 40º)
GWAR
LUCERO
MATCHBOX
MELVINS
MONSTER MAGNET
OS MUTANTES
PASADENA
QUEENSRYCHE