Dida!
DIDA
Mugak uxatuz iritsi da Willis Drummond taldearen berriena: "Bidasoa"
Baionako taldeak mugak suposatzen diguna hartu du oinarrian "Bidasoa" abesti berria sortzeko: Hegoaldearen eta Iparraldearen arteko bereizketa inposatua, eta migratzaileen oztopo eta drama.
-
Argazkia: "Bidasoa" abestiaren bideoklipa.
12:25 min
Jurgi Ekizak Willis Drummond taldearen Bidasoa kanta aurkeztu digu 'Didan!', azaroaren 18an argitaratuko den diskoaren aurrerapen gisa. Gainera, diskoa ganoraz aurkezteko bi kontzertu berezi antolatu dituztela esan digu abeslariak: azaroaren 26an Bilboko Kafe Antzokian eta abenduaren 2an Biarritzeko Atalabalen.
Bidasoa ibaiak euskaldunentzat suposatzen duena irudikatutzeaz gain, migratzaileen egoera salatu du Willis Drummond taldeak single berrian. Hori horrela, azken urteotan ibaia zeharkatzeko saiakeran hil diren migranteei eskainitako kanta da Ekizak azaldu duenez.
Kantuaren bideoklipa François Devulder "FVA" (Jeanne Added, Pion) artistaren obra da.
