Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

19:38

Albisteak

Hauteskunde kanpaina

Junckerrek babesa agertu dio Rajoyri, Kataluniako kontsultaren aurrean

Erredakzioa

Espainiako Gobernuko presidentearen hitzetan, alderdi "zatitzaile eta eurofoboek arriskuan jarriko dute krisiaren konponbidea".

  • Mariano Rajoy eta Jean Claude Juncker. EFE

    Mariano Rajoy eta Jean Claude Juncker. EFE

  • Whatsapp
  • Whatsapp
  • telegram
  • Bidali

Jean Claude Juncker Europako Alderdi Popularraren Europako Batzorderako presidentegaiak babesa agertu die Espainiako Gobernuak abiatutako erreforma ekonomikoei, eta Kataluniako kontsulta independentistaren aurrean, Mariano Rajoy gobernuburu espainiarrekin "% 100ean" ados dagoela gaineratu du.

Junckerrek bi ekitalditan hartu du parte astelehen goizean Espainian, Europako hauteskundeetako kanpainaren baitan, eta, horietako batean, Rajoyrekin batera izan da.

Ekitaldiak Isabel Carrasco Leongo Diputazioko presidentearen hilketa gertatu baino lehen izan dira. Krimen horren ostean, PPk bertan behera utzi ditu arratsalderako aurreikusita zituen ekitaldi guztiak, Rajoyk Valladoliden egingo zuena barne.

Goizeko ekitaldietan, Rajoyk goratu egin du Junckerren ibilbidea, eta "Espainiaren lagun ona" dela nabarmendu du. "Europako aniztasuna errespetatzen duen batasunaren defendatzaile irmoa da", adierazi du.

Junckerrek Kataluniako kontsulta ere hartu du hizpide. Horren ildotik, "errespetua" agertu die kataluniarrei, baina Espainiako Konstituzioari ere bai. "Konstituzioa denei, espainiarrei zein kataluniarrei, ezartzen zaie", esan du.

Rajoyren hitzetan, Europako Parlamentuan alderdi handiak eta indartsuak egon behar dira, eta ez "indar politiko zatitzaile eta eurofoboak", horiek "arriskuan" jarriko luketelako krisiaren konponbidea.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena