Hauteskunde Orokorrak -

A28

Vox 'ultraeskuinaren' aurrean PP zentroa dela aldarrikatu du orain Casadok

Vox "ultraeskuinaren" eta Ciudadanosen aurrean alderdia "zentro eskuin" politikoa dela eutsi du PPko buruzagiak. Casadoren hitzetan, Ciudadanos "iheslarien" eta "sozialdemokraten" alderdia da.

Teodoro Garcia-Egea eta Pablo Casado. Argazkia: EFE/Emilio Naranjo
Teodoro Garcia-Egea PPko idazkari nagusia eta Pablo Casado PPko presidentea.
Teodoro Garcia-Egea eta Pablo Casado. Argazkia: EFE/Emilio Naranjo

Agentziak | Erredakzioa

Whatsapp Facebook Twitter Telegram Email

Vox "ultraeskuinaren" eta Ciudadanosen aurrean alderdia "zentro eskuin" politikoa dela eutsi du orain Pablo Casado PPko buruzagiak. Casadoren ahotan, Ciudadanos "iheslarien" eta "sozialdemokraten" alderdia da.

PPren Zuzendaritza Batzorde Nazionalean egin ditu adierazpenak, bileraren edukiaren berri duten iturriek jakinarazi dutenez. Voxen joera ideologikoa publikoki onartu duen aurreneko aldia da; izan ere, orain arte ez du sekula muturreko eskuinean kokatu.

Bileran maiatzeko hauteskundeetarako kanpainaren leloa aukeratu du Alderdi Popularrak: "Zure etorkizuna ardatz". Mariano Rajoyren PPk antzeko leloa erabili zuen 2011ko maiatzaren 22ko udal hauteskundeetan: "Zu ardatz". Igandeko hauteskundeetako emaitza kaskarrak kritikak sortu ditu.

Horrela, maiatzaren 26ko kanpaina zuzentzeko erantzukizuna Isabel Garcia Tejerinak eta Cuca Gamarrak izango dute.

Alderdiko baroien azterketari aurre egin behar izan dio Casadok bileran. Lurraldeetako buruzagiek Casado babestu dute, baina ez hainbeste ildo estrategikoa, eta autokritika eskatu diote.

Hau zure interesekoa bada, baliteke beste gai hauek ere izatea
Politika PP Europako hauteskundeak Hauteskunde orokorrak Ciudadanos Eguneko albisteak Albisteak Hauteskundeak Pablo Casado Blanco Vox Udal eta foru hauteskundeak 2023 Ultraeskuineko alderdi politikoak